ZAMAN BARUBAH MUSIM BAGANTI



ZAMAN BARUBAH MUSIM BAGANTI
Oleh, Zainir,S.Pd.


Zaman barubah musim baganti, ungkapan sarupo itu tantu samo pernah kito danga maso nan lalu katiko ninik mamak maagiah nasehat ka kamanakan, sambia duduk disurau mamak manyampaian pasan beliau berpepatah prtitih : Zaman ka barubah, musim ka baganti, sairiang perkembangan zaman apo nan dulu rasonyo mulai menjadi kenyataan, khususnyo bagi kami nan tingga di Kuranji nan dulu nagari Pauh IX, Kecamatan Pauh, Padang Luar kota. Nagari kito dulu langang kini lah rami, dulu sia nan lalu dijalan kito tau sajo sia urang nan lalu kini ndakbahkan lah banyak pulo tetangga nan ndak saling mengenal  baitulah parubahan zaman, dulu karajomancari kayu api ka rimbo, mambajak jo mamangkua disawah kini sawah nan ka dibajak indak adoh lai, dulu mancari maankek padi dapekmancri ongkos sakola. Ko lah parubahan zaman dulu langang kini lah rami.
Nagari kami dulu namonyo nagari mudiak , urang kota namonyo urng ilia, urang kok ka mudiak ko urang gengsi, ndak level caro urang kini. Urangh mudiak kok ka ilia atau ka kota diolok-olok oleh urang dek urang ilia ( urang Kota ) “ urang mudiak babaju sirah” itu contoh ejekan nan favorit maso lalu nan disampaian urang ilia ka urang mudiak.
Kini zaman lah batuka urang ilia lah babondong-bondong ka mudiak baa kaindak, nagari ilia nan dakek jo pantai tu kini indak dapek dibanggan lai, pantai nan dulu tampek nan elok, banyak urang nan suko tingga ditapi pantai kini lah barubah, prubahan ko tajadi sajak tsunami di Aceh Desember 2006, kota Padang talatak di tapi pantai, acok pulo tajadi gampo, iko lah nan mambuek urang kota manjadi takuik, sahinggo rumah mewah nan di pantai tadi bia lah tingga, urang kota babondong-bondong mancari tampek tingga nan baru sebagai pilihanyo ruponyo nagari mudiak nan dakek bukik, bukan itu sajo pemerintah pun ikut sato ciek-ciek kantua pemerintah mulai pulo nyo pindahan dari kota kanagari mudiak, bahkan lembaga swasta pun ikut sepert perguruan tinggi Universitas Bung Hatta pindah pulo, sahinggo nagari mudiak manjadi rami.
Dek karano nagari lah rami mulai timbua tajadi perubahan gaya hidup di jalanan awak lah banyak mancaliak urang ba oto mewah, samantaro awak urang kampung ndak punyo, urang nan pandatang baru tingga diperumahan nan rato-rato kelasnyo diateh dari kelas awak urang kampung, urang ko banyak nan pagawai baik negeri maupun swasta sarato basikola tinggi, tantu samakin lamo awak samakin katinggalan dek urang nan datang ko.
Baa caro kito mananggapi perubahan zaman kiniko, perubahan zaman ndak kamungkin kito tahan, angin barambuih ndak kamungkin ditahan, perubahan zaman iko akan mambao perubahan di sagalo sektor kehidupan, perubahan budaya, perubahan ekonomi, perubahan nilai-nilai, perubahan perilaku, perubahan .
Nan mungkin kini kito mairingkan perubahan zaman itu, baa caronyo, manuruikan perubahan zaman, dirubah pulo caro hiduik awak, kok nagari kini lah rami tantu awak bausaho baa mancari nafkah hidup dinan rami, mungkin kito badagang pulo caro urang tu misalnyo manjua pakaian jadi, manjua tas, sepatu sagalo rupo, bias juo manjadi tukang misalnyo tukang sate, tukang bakso, tukang lontong, badagang sembako, kito usao jasa misalnyo jasa ojek, jaso fhoto copy, jaso percetakan, jasa bengkel, service Honda, cuci Honda.
Bisa pulo jadi pegawai baik swasta maupun pegawai negeri, jadi dokter, jadi perawat, jadi guru, jadi jaksa, jadi hakim.
Untuk bias sarupo itu tantu diparaluan sekolah atau keahlian sesuai bidangnyo, untuk itu kito paralu baraja, baguru ka urang nan pandai, dusanak awak nan dirantau mungkin bias mambantu baa caro cari urang panggaleh, baa caro mambuek bakso, baa caro menjadi tukan fhoto chopy, karano dirantau itu lah biaso banyak urang awak nan karajo sarupo itu.
Kito kok bisa caro itu mungkin kito nanti bias jadi tuan di nagari kito sendiri, sahinggo tak ta ulang cando pepatah, “ jalan dialih urang lalu”. Awak nyo cikuah tagak-tagak, nan lalok nyo makan dek nan jago.

1 komentar:

  1. Zaman Barubah Musim Baganti, sakali aia gadang sakali tapian barubah.

    BalasHapus